1МФЛ: По две децении титулата се врати во Чаир

Екипата на Шкупи е нов шампион во Првата македонска фудбалска лига. Трофејот се враќа во скопската населба Чаир по повеќе од две децении, кога Слога Југомагнат доминираше во македонскиот фудбал.

Тимот на Гоце Седлоски викендов успеа на четири кола пред крајот на македонското првенство со победата над Ренова од 2-0 да го обезбеди местото на тронот, бидејќи по последните средби од 29. коло има недостижна предност во однос на конкурентите за највисок пласман.

За клубот ова е прва титула под името Шкупи, или четврта во историјата заедно со титулите на славната Слога Југомагнат. Во историјата на домашното првенство Шкупи е девета екипа која успеала да го освои шампионскиот трофеј. Претходно тоа им успеа на Вардар, Силекс, Слога, Македонија ЃП, Шкендија, Ренова, Победа и Работнички.

Поради освоената прва позиција, чаирчани ќе бидат нашиот претстсавник во квалификациите за Лигата на шампионите

Табела: Шкупи 71 бод, Академија Пандев 58, Шкендија 56, Македонија ЃП 53, Брегалница 39, Струга 39, Ренова 38, Работнички 37, Тиквеш 30, Скопје 29, Борец 18, Пелистер 10.

ФК Шкупи официјално е првак во 30. сезона во самостојна Македонија во ПМФЛ.