30 дена притвор за дилерите фатени во Гостивар со торба марихуана

Двајцата албански државјани кои гостиварската полиција ги фати со торба со 2 килограми марихуана, одат во притвор. Судија на претходна постапка во Основниот суд Гостивар им ја одреди мерката притвор во траење од 30 дена и тие од вчера се спроведени во КПУ затвор Скопје.

Лицата кривично ќе одговараат за „неовластено производство и пуштање во промет наркотични дроги, психотропни супстанции и прекурзори“, а најверојатно и за спречување на полициски службеници во вршење службено дејствие.

Дилерите беа фатени во петокот навечер на ул „Боге Велјановски“ во Гостивар.