5 намирници кои ќе ви дадат повеќе енергија од кафето

Често се случува луѓето кои имаат недостаток на енергија да посегнат по кафе како брзо решение. Но, секогаш треба да имате предвид и други опции. Постојат многу причини за недостаток на енергија, но најчесто тие се јавуваат поради нездрав начин на живот.

Која храна може да ви даде повеќе енергија од кафето?

Банани
Ова овошје е одличен избор за закуски пред или после тренинг бидејќи е богато со шеќери кои брзо се распаѓаат. Тие содржат магнезиум и калиум кои ги хранат мускулите, па мозокот ефикасно се справува со заморот.

Спанаќ
Богато е со минерали кои се важни за работата на нервниот систем. Железото се смета за голем сојузник во одржувањето на физичката и менталната подготвеност. Добро е да додадете сок од лимон поради витамин Ц.

Јајца
Во случај да не сте знаеле, јајцата содржат триптофан и тирозин, што значи дека нивниот внес го регулира лачењето на серотонин, односно допамин. Исто така постои и селен, кој помага полесно да се надмине заморот.

Темно чоколадо
Најдобро е да се консумира она што содржи повеќе од 70 проценти какао затоа што го подобрува расположението и нивото на енергија. Содржи кофеин и теобромин, алкалоиди кои го подобруваат овој ефект.

Лосос
Оваа риба е извор на есенцијални масни киселини, пред се омега-3 кои го регулираат нивото на серотонин. Витаминот Д помага да се создаде мелатонин кој ни помага да спиеме подобро и на тој начин да се чувствуваме многу подобро.