Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!



  • Дата: 08/02/2019 | 18:17

56. Мавровски меморијал годинава ќе се одржи од 11 до 13 февруари

На падините на Бистра, годинава по 56 пат ќе се одржи Мавровски меморијал.

Годинешното издание на меморијалот ќе се одржи од 11 до 13 февруари, традиционално на патеката „Мирна долина“ во Маврово. Покрај македонските претставници, свој настап ќе имаат натпреварувачи од Србија, Црна Гора, БиХ, Хрватска, Грција, Турција и Бугарија.

По 20 натпреаврувачи во машка конкуренција на патеката од 10 километри и 20 во женска конкуренција на 5 километри. Ќе настапат звучни имиња како Ангелис Апостолис од Грција, Мартин Пенчев од Бугарија, Дадиќ Еди од Хрватска, и секако македонскиот претставник Ставре Јада.

Мавровскиот Меморијал е најстар нордиски куп на Балканот и помеѓу настарите ски купови во Европа. Меморијалот е дел од континенталниот куп во нордиско трчање и на истиот натпреварувачите се борат за освојување на FIS бодови. Настанот се одржува во чест на февруарската снежна трагедија од 1956 година , кога при големи лавини загинаа 52 градители, граничари и месно население.

Напишете коментар