850.000 денари за The Park Festival од буџетот на Гостивар

Овогодинешното издание на The Park Festival ќе добие финансиска поддршка од Општина Гостивар во висина од 850.000 денари. Одлуката беше донесена на денешната седница на Советот, а ја поддржаа сите присутни советници.

Пред нив овој музички настан го презентираше Вљора Демири, ПР на фестивалот.

„Годинава The Park Festival ќе се одржи по четври пат и конечно после рестрикциите поради ковидот, ќе имаме целосно опуштање на кое верувам ќе му се радуваат сите. Предвидени се четири фестивалски вечери со артисти од различни жанрови, ќе имаме и настан посветен на младите таленти, а неколку дена пред фестивалот ќе се одржи маратонска трка.“, рече меѓудругото Демири.

Настаните во склоп на The Park Festival ќе се одржуваат на локации во градскиот парк во Гостивар од 21 до 24 јули.