Приведени две лица за напад и кражба на возило во Добридол

МВР информира дека вчера (16.12.2022) во 17 часот во Добридол, полициски службеници од Полициското одделение Галате лишиле од слобода двајца жители на селото на возраст од 29 и 55 години. Тие се сомничат дека околу 02.30 часот во угостителски објект во Добридол физички и со тврд предмет нападнале 24 годишник од тетовки Пирок, по што го одзеле возилото „рено твинго“ со тетовски регистарски ознаки, сопственост на неговата сестра, кое тој го управувал. Возилото било пронајдено и вратено на сопственикот, а лицата биле задржани во полициска станица.

По целосно документирање на случајот, против нив ќе биде поднесена соодветна пријава, најави полицијата.