Почина Едсон Арентес до Насименто – Пеле

Легендарниот бразилски фудбалер Едсон Арентес до Насименто, попознат како Пеле, почина на 82-годишна возраст денеска во болница во Сао Паоло.

Пеле беше легенда на бразилскиот и светскиот фудбал и предводник на една од најдобрите селекции во историјата, која со него на чело трипати го освојуваше Светското првенство – во 1958, 1962 и 1970 година. Пеле го држи рекордот како фудбалер со најмногу титули на Светските првенства, како и со најмногу постигнати голови.

Пеле во својата фудбалска кариера на 1.363 натпревари постигна 1.279 голови. Овој факт го става Бразилецот на првото место во Гинисовата книга на рекорди со најмногу голови во текот на неговата фудбалска кариера. Настапуваше за екипите на Сантош и Њујорк космос.

Во 1999 година, Меѓународниот олимписки комитет го прогласи за спортист на векот.