Гостивар
Ванчо Никодиноски од Гостивар 100 пати дарувал крв, за хуманоста доби плакета од Црвен Крст
За крвта се вели „Скапоцена течност, што живот значи“. Толку зборови се доволни во целост да се прикаже хуманата димензија на крводарувањето. Гостивар е град што ја негува, шири и промовира хуманоста како највисок чин. Примери има многу, а еден од нив е Ванчо Никодиноски, кој до сега дарувал крв дури 100 пати. Во семејството на крводарители се приклучил во раните 90-ти години и од тогаш редовно подава рака во мисија да помогне, да спаси човечки живот.
„Кога се вработив во болницата во Гостивар во деведесеттите години, почнав да давам крв и станав редовен крводариел. На почетокот дарував четирипати годишно, сега по трипати. Хумано е, значи спасување на живот и секој здрав човек треба да дарува.“, вели 58- годишниот гостиварец, кој денес за својата хуманост доби плакета од Црвениот Крст Гостивар.
Признанието му беше доделено на манифестација што Општинската организација на Црвениот Крст ја организираше во чест на Денот на крводарителството 17 Март.
„На оваа свеченост им укажуваме чест на крводарителите, а како повод е Денот на крводарителството, 17 Март. Исто така, на овој датум се одбележаа и 78 години од постоењето на Црвениот Крст на Република Северна Македонија. Им благодариме од срце на крводарителите за хуманоста“, рече претседателот на гостиварскиот Црвен Крст, Бесник Зеќири.
Покрај Никодиноски, на манифестацијата благодарници добија и јубилејните дарители кои крв дарувале по 25 и по 50 пати.
Пофалници им беа доделени и на институции и установи за соработка и поддршка на крводарувањето во нивните колективи како: Службата за трансфузиологија, општата болница, Националниот парк Маврово, ПС Гостивар, планинарското друштво Шари, ХЕС Маврово и гимназијата во Ростуше.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот
-
Вестипред 2 месеци
Историјат на Осми март – Празник посветен на правата на жените
-
Видео емисиипред 2 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ