Гостивар
Свечен ден во ОУ „Гоце Делчев“ Гостивар по повод патрониот празник
Во свечена атмосфера и присуство на бројни гости, основното училиште „Гоце Делчев“ во Гостивар го прослави патрониот празник. Чествувањето започна со положување на цвеќе на бистата на македонскиот великан која се наоѓа во училиштето. Цвеќе положија делегации од училиштето, од гостиварските ограноци на партиите СДСМ и ВМРО-ДПМНЕ, како и од организацијата на борци.
По овој чин на оддавање почит на големиот револуционер, следуваше културно-уметничка програма подготвена од учениците и наставниот кадар.
„Ние вработените во училиштето, коешто е мултиетничко, го засноваме меѓусебниот однос на разбирање, почитување и соработка, исто така максимално се трудиме да функционира триаголникот родител, ученик, наставник, што е основата на едно квалитетно образование. Ги негуваме традиционалните вредности, но и секогаш сме подготвени да ги прифатиме предизвиците и новитетите во воспитно образованиот процес. Нашето училиште има изградено белег во локалната средина и е солидно кадровски екипирано, со амбиција за постигнување афирмативни резултати со своите ученици. Исто така секогаш сме подготвени за соработка и комуникација со другите институции.“, изјави директорката Гордана Мојсоска.
Учениците кои учествуваа во програмата на свеченоста се претставија со рецитации посветени на Гоце Делчев и Македонија, со музички изведби, како и драмски перформанс.
Во основното училиште „Гоце Делчев“ во Гостивар настава посетуваат околу 1.130 ученици во паралелки на македонски и албански наставен јазик.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот
-
Вестипред 2 месеци
Историјат на Осми март – Празник посветен на правата на жените
-
Видео емисиипред 2 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ