Во септември 855 случаи на ковид во земјава, пријавени 5 починати

Во Македонија во текот на месец септември, пријавени се вкупно 855 случаи на ковид, од тестирани 2.464. Како што стои во извештајот на Институтот за јавно здравје, во однос на претходниот месец август се регистрира зголемување на бројот за 7,6 пати, a во однос на месец септември лани се регистрира намалување на заболените од 66,1 %.

Од заболените во септември најголем број на заболени се пријавени од Скопје, а највисока инциденца се регистрира во Кавадарци. Регистрираи се 347 се реинфекции.

Регистрирани се заболени лица во сите возрасни групи, со најголем број на случаи пријавени во возрасната групата над 60 години. Во текот на месецот пријавени се пет починати лица.

Од почетокот на пандемијата, заклучно со 30-ти септември пријавени се вкупно 349.346 потврдени случаи на КОВИД и 9.947 смртни случаи.

Бројот на аплицирани дози на ковид вакцина во текот на месец септември изнесува вкупно 23, од тоа 12 се прва, 3 како втора и трета доза и 5 како четврта.