Во пресрет на Нова година, Таравари додели неколку благодарници и го посети Мултифункционалниот центар

Во кабинетот на градоначалникот на Гостивар, Арбен Таравари денес гости беа успешни спортисти и уметници, на кои им додели благодарници и им честиташе за постигнатите успеси. На прием во општината беа Камбер Дехари, Берат Јакупи и Бетиме Зилали Јакупи.

„Дехари на 16 декември е прогласен за светски шампион во ММА борбени спортови на WKU федерацијата, одржана во Фраунфелд, Швајцарија. Му честитав на Дехар за ова достигнување, со надеж дека оваа награда ќе остане во Гостивар и следната година. Берат Јакупи годинава ги освои титулите RMV шампион и балкански вицешампион, додека Бетиме Зилали Јакупи, е добитничка на наградата „Grand Prix the best“ на Tv21. , победник на фестивалот „Нота фест“ , а има и свој придонес во организацијата на сега веќе традиционалниот фестивал во нашиот град „Јуниор фест – Гостивар“.“, подвлече градоначалникот.

Таравари со своите соработници беше и во посета на Мултифункционалниот центар каде беше организирано предновогодишно дружење и забава со лицата и децата со попречености, како и подарување на пакетчиња.