Денес сончево, од утре дестабилизација на времето

Времето денеска (понеделник) ќе биде сончево и многу топло со слаб до умерен ветер од југозападен правец. Во текот на ноќта ќе има локална појава на невреме со пороен дожд, грмежи, силен ветер и град. Максималната температура во гостиварскиот регион ќе достигне 35 степени. УВ индексот ќе изнесува 9.

Како што соопштуваат од УХМР, во текот на ноќта кон вторник и во вторник на повеќе места ќе биде нестабилно со пороен дожд и грмежи, локално во форма на невреме со интезивен пороен дожд, силен ветер и град. Потоа во среда и во четврток ќе преовладува променливо облачно и посвежо време со повремен пороен дожд и грмежи и ќе дува умерен северен ветер. Температурата ќе опадне за десетина степени.