Вести
Во септември во Гостивар речиси да немало ден без сообраќајка
Статистиката на полицијата од минатиот месец открива алармантна состојба со сообраќајната безбедност на поширокото гостиварско подрачје. Во септември, вкупно биле регистрирани 22 сообраќајни несреќи, или 7 повеќе во споредба со истиот период лани. Речиси и да не поминал ден без да се случи сообраќајка.
Жртви за среќа немало, но осум лица се здобиле со тешки телесни повреди, а 19 биле полесно повредени. Дел од несреќите поминале само со материјална штета. Дванаесет од минатомесечните несреќи се случиле во населено место, а 10 на отворен пат. Најголемиот број се случиле на гостиварските улици, магистралата Гостивар-Кичево и автопатот Гостивар-Тетово-Скопје.
Анализите на СВР покажуваат дека најчеста причина за несреќите, особено за оние со најтешки последици, повторно е пребрзото возење, потоа недржење страна, недржење прописно растојание и друго.
Во текот на минатиот месец во гостиварскиот регион вкупно биле контролирани 2221 возило, од кои 865 биле неисправни. Од нив, поради најразлични недостатоци од сообраќај биле исклучени 109 возила, пред се со истечена регистрација, но и поради техничка неисправност и други недостатоци.
Од сообраќај биле исклучени и 160 возачи, од кои 119 без положен возачки испит и непоседување дозвола и 41 возач-почетник. На 58 возачи им биле изречени опомени, додека 17 учесници во сообраќајот завршиле на таканаречена поука.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот
-
Вестипред 2 месеци
Историјат на Осми март – Празник посветен на правата на жените