Биткоинот се враќа – мистериозен купувач вложил 400 милиони долари

Вредноста на Биткоинот достигна 11 илјади и двесте долари, со што речиси двојно ја зголеми својата вредност откако претходно овој месец падна и под 6 илјади долари.

Вчера со Биткоинот достигна максимална вредност од 11.328 долари по информацијата дека непознат инвеститор купил биткоини во вредност од 400 милиони долари. Дали некој го препозна моменот за вложување во оваа криптовалута поради моменталната ниска цена, или знае нешто повеќе за движењето на Биткоинот останува да следиме.

Во декември минатата година Биткоинот достигна вредност од 20 илјади долари, по што започна пад, кој стигна до 6 илјади на 4 февруари. Тоа беше мотив за зголемување на продажбата и рекордно купување и инвестирање во криптовалутите, поради што цената повторно почна да расте.

Повеќе од 80% од криптовалутите добија на вредност на денешното тргување на берзата.