Гостиварскиот Совет на млади распиша конкурс за краток филм

Можност за младите љубители на филмската уметност и креативци да творат и да се докажат. Советот на млади на општина Гостивар отвори конкурс за избор на најдобар краток филм. Право на учество имаат сите лица, граѓани на Република Македонија на возраст од 15 до 25 години.

„Преку оваа активност сакаме да им дадеме шанса на младите да ја покажат својата креативност и умешност во создавањето на филмски дела. Исто така, сметаме дека ќе го поттикнеме и натпреварувачкиот дух“, велат од Советот на млади.
Заинтересираните може да конкурираат самостојно или во групи со еден филм во времетраење од 3 до 20 минути. Темата и начинот на кој ќе биде снимен, се по слободен избор. Филмовите се испраќаат на е-маил: gosyc2018@gmail.com. Краен рок е први јуни, 2018-та година.