Претрес на гостиварската полиција: Зад шанкот криеле најлонски кесички со прашкаста материја

Синоќа во периодот од 23 и 40 минути до 00 и 45 минути, по претходно изготвена судска наредба, полициски службеници од Полициската станица Гостивар и полициско одделение Галате, извршиле претрес во угостителски објект, сопсвеност на 49 годишно лице од селото Неготино Полошко.

Како што соопшти СВР Тетово, при претресот веднаш позади шанкот биле пронајдени, девет најлонски кесички со остатоци од непозната прашкаста материја, и една чинија со видливи траги од наведената материја, што упатуава на основ на сомнение, дека во истата просторија се користеле опојни дроги.  „Предметите се уредно обезбедени и подигнати од лице место, од страна на крим техника, а со потврда се одземени од лицето кое работело како шанкист во локалот, за вештачење и понатамочна постапка“, извести полицијата.

Во угостителскиот објект, при претресот биле затекнати повеќе лица како и девојки кои работеле како пејачки и танчарки.