Утре започнува Галичката ликовна колонија

Галичник од утре до 22-ри август ќе биде домаќин на девет домашни и странски уметници кои ќе се инспирираат и ќе творат во рамки на годинешната ликовна колонија.

На колонијата ќе учествуваат: Тошихиро Сакума од Јапонија,  Џили Ависар од Израел, Танасис Раптис од Грција, Пјотр Пиаста од Полска, Ирена Сладоје од Босна и Херцеговина, Стеван Којич од Србија, Моника Мотеска, Роберт Јанкулоски и Јана Луловска од Македонија. Куратори на колонијата која веќе девета година се движи во правец на дигиталните медиуми и медиа-уметностите се Сања Којуч –Младенов од Нови Сад и Ана Франговска од Македонија.

„Покрај престојот и работата во Галичник, уметниците ќе имаат можност да посетат и некои од околните села и да ги видат природните убавини на овој крај, ќе го посетат манастирот „Св. Јован Бигорски“, а ќе биде организирана и посета на градот Охрид“, информира Министерството за култура.

Галичката ликовна колонија се одржува по 29 пат.