Македонија
Никола Груевски оди две години во затвор, пресуди Апелација
Апелациониот суд ја потврди затворската казна за поранешниот премиер Никола Груевски, со што пресудата со која е осуден на две години затворска казна за случајот „Тенк“ односно набавката на луксузниот мерцедес станува правосилна.
„Жалбите на обвинетиот Н.Г. од С. изјавени лично и преку неговите бранители судот ги одби како неосновани, а првостепената пресуда ја потврди во целост“, соопштуваат од Апелација.
Апелација донесе одлука и по жалбите за помошникот министер за внатрешни работи, Ѓоко Поповски кој со првостепената пресуда во истиот случај „Тенк“ беше осуден на казна затвор од шест години и шест месеци и му ја намали казната на четири години.
„Жалбата на обвинетиот Ѓ.П. од С. делумно ја уважи на начин што ја преиначи во делот на одлуката за казната и го осуди на казна затвор во траење од 4 години и 6 месеци, а во останатиот дел првостепената одлука ја потврди“, се вели во одлуката на Апелација.
Груевски има можност да поднесе Барање за заштита на законитоста (БЗЗ) до Врховниот суд со кој раководи Јово Вангеловски, но тоа не го одложува извршувањето на казната.
За Груевски да почне со издржување на затворската казна, прво судот треба да издаде упатен акт. Постои веројатност и Груевски да не оди во затвор, доколку веднаш поднесе БЗЗ до Врховниот суд и ако истото му биде уважено во краток рок, пред судот да го издаде актот за извршување на казната.
Скандалот што беше откриен во „бомбите“ на СДСМ, каде што можеше да се слушне како Груевски директно го нарачува „мерцедесот“ од тогашната министерка Гордана Јанкулоска, а случајот го водеше Специјалното јавно обвинителство (СЈО).
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Вестипред 2 месеци
Историјат на Осми март – Празник посветен на правата на жените
-
Македонијапред 3 месеци
Најнова одлука: Од утре промената на возачките, сообраќајните и патните листови ќе бидат без надоместок
-
Гостиварпред 2 месеци
Гостиварско архиерејско намесништво: Распоред на дежурни свештеници за Задушница