Предновогодишни посети и пакетчиња во Дневниот центар во Гостивар

Традиционално, во деновите пред Новата година, гостиварскиот Дневен центар за деца со попречености го посетуваат претставници на институции, здруженија, организации, граѓани кои сакаат да им го разубават празнувањето на децата што ја посетуваат установата.

Денес децата добија пакетчиња од градоначалникот на Гостивар, Арбен Таравари.  „Ми беше посебно задоволство што на прагот на новогодишните празници, заедно со моите соработници, споделив радосни мигови со децата и лицата кои најмногу му се радуваат на животот, и покрај тоа што се соочуваат со многубројни предизвици.” рече градоначалникот.

Во посета на Дневниот центар беа и гостиварките од здружението Вешта жена. Тие другаруваа со децата, им приредија забава, ги почестија со слатки специјалитети и поделија пакетчиња. „Со многу љубов и големо задоволство ги дружиме децата секоја година. Сакаме празничните денови да им ги разубавиме со насмевки, децата тоа го заслужуваат“, рекоа вештите жени.