Тенксли Ефианаи е новото засилување на КК Гостивар

Американецот со нигериско потекло Тенксли Ефианаи, е најновото засилување на Кошаркарскиот клуб Гостивар.

Ефианаи игра на позиција 3, со неговото доаѓање се отвараат многу можности во ростерот на „бело-сините“, со Ефианаи се очекува екипата да добие на пробивност и агресивност во нападот.

Висок е 198 сантиметри. Кариерата ја има започнато во University High School во Орландо, од каде преминува во централна Флорида натпреварувајќи се во Универзитетската лига на САД за UCF Knights. Во Европа една сезона има поминато во Украина, настапувајќи за тимот на Одеса, каде има просек од 13 поени, 5 скока по натпревар, во КК Гостивар доаѓа од вицепрвакот на Бугарија, Балкан.

Од гостиварскиот клуб не се конкретни во одоговорите дали ова е последно засилување на тимот за вториот дел од првенството или се очекува уште некој играч.