Контроли на минибуси и комбиња на подрачјето на Гостивар – две исклучени од сообраќај

На подрачјето на Гостивар и оваа недела се спроведуваат засилени сообраќајно-контролни активности, со кои претежно се опфатени возила кои вршат јавен превоз на патници и мотоцикли.

Во текот на вчерашниот ден, од вкупно девет мини-буси и комбиња, кои биле испратени на технички преглед, откриени се неправилности кај две возила, односно неисправни сопирачки и уред за управување. Пет од превозниците воопшто не се јавиле на прегледот на кој биле испратени. Технички неисправните возила биле исклучени од сообраќај и за нив се изготвени поднесоци, како и на оние кои не се јавиле на технички преглед, информира СВР.

На тетовското подрачје вкупно контролирани биле 5 возила од јавниот превоз, од кои кај 2 констатирана е техничка неисправност на сопирачките, додека едно возило го управувало лице со важечка забрана за управување.

На тетовското подрачје, се контролирале и мотоциклисти. Од шестте контролирани, двајца немале возачки дозволи, два мотоцикли биле нерегистрирани, исто толку со неообновена полиса, еден  со несоодветна категорија, а еден бил предупреден за неносење заштитна кацига.