Шварци еднаш рече „I`ll be back” и еве го пак: „Терминатор 6“ во ноември

Легендарниот актер Арнолд Шварценегер, во Лас Вегас го претстави најновото продолжение на незаборавниот серијал Терминатор.

Шестиот дел од филмот носи наслов „Terminator: Dark Fate“ и ќе ја види светлоста на денот, 35 години од првиот филм за Терминатор. Шварци откри детали за филмот и премиерата, во придружба на актерката Линда Хамилтон со која повторно, како и во првиот дел, ги толкуваат главните улоги.

„Многу сум среќен што повторно се среќаваме, целата екипа е повторно заедно“, вели Арнолд.

Премиерата на новото продолжение ќе се случи во ноември и според многумина ќе биде главен холивудски настан годинава. Филмот е во режија на Тим Милер, во продукција на Џејмс Камерон.

Актерката Линда Хамилтон, која и во овој дел на Терминатор ја глуми Сара Конор има 62 години, а Шварценегер наполни 71 година.

Интересно е што првиот дел од Терминатор бил создаден со  буџет од 6,4 милиони долари, што во Холивуд се смета за скромен а заработил дури 78 милиони долари.