Хрват собори Гинисов рекорд, туркал автомобил 107 километри

Загребчанецот Томислав Лубењак, го собори Гинисовиот рекорд во туркање автомобил, туркајќи го повеќе од 107 километри и тоа со брзина од шест километри на час.

Целиот зафат започнал во саботата во 15 часот, кога е запалена службената стоперка во придружувачкиот автомобил, од кој се следел секој чекор на Томислав, екипа на записничари и официлајен претставник на Гинис од Лондон, кои биле задолжени да евидентираат секаква состојба и самит развој на соборувањето на уште еден светски рекорд.

Целта била Лубењак за 24 часа да помине 100 километри туркајќи автомобил од 730 килограми со се возач, но рекордот го собори пред планираното, после 16 часа туркање кога влезе во 83. километар.

Иако го собори гинисовиот рекорд утрото, 8 часа пред планираното, Томислав го турка автомобилот до 15 часот, напаѓајќи го рекордот туркање автомобил од две лица кој е 100 километри. Рекорд кој го држеше еден Македонец од двајцата туркачи. Тој рекорд паднал околу 12:30 часот, но и покрај тоа продолжува со туркање до 15 часот со што го заокружи планираниот период од 24 часа.

Официјално Томислав помина 107 километри туркајќи автомобил, што е убедливо нов Гинисов рекорд.