Вести
Млади гостиварци несебично помагаат на сиромашни семејства
Група млади луѓе од Гостивар ги здружија силите за помош на социјално загрозени семејства. Од нивните големи срца и несебичност се роди иницијативата под име „Хуманост пред се`“. Младите гостиварци, кои ги има од различни националности, хуманитарните акции ги започнаа летово, а својата мисија ја продолжуваат и овој период. Моментално собираат помош за 27 сиромашни семејства од Гостивар и апелираат до граѓаните да се вклучат во што поголем број.
„Ве замолуваме да се вклучите во оваа хуманитарна акција и неизмерна желба да се помогне на оние на кои им е потребно. Да им покажеме дека не се сами во борбата со нивниот тежок живот и дека ние сме тука да помогнеме. Да донираме заедно, да ја покажеме нашата човечност и хуманост на дело. На овие семејства им се потребни многу работи, но пред се` да не дозволуваме нивните мали деца да заспиваат со празен стомак и во ладни соби.„, се вели во апелот на групата „Хуманост пред се`.
Граѓаните може да донираат: храна, зимска облека и обувки за дечиња и возрасни, прибор за јадење, садови за готвење, лекови, средства за лична хигиена, пелени за бебиња, ќумбе, греалка, стара покуќнина.
Групата бара и волонтери кои ќе помогнат во пренесување на донациите до семејствата и ќе се приклучат и во други активности на иницјативата.
„Хуманост пред се`„ ја создадоа гостиварците: Габриела Костиќ, Теута Бајрами, Марјан Пејовски, Еци Митевска и Стеве Станојич. Големо БРАВО за нив и поклон до земја. Вие сте пример што треба да го следи секој млад човек.
Може да ги исконтактирате преку тел. 078-371-805 (Габриела) или преку фејсбук: Хуманост пред се – Гостивар
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Видео емисиипред 2 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Што, како, каде?!пред 3 месеци
Гаражна распродажба во РАМСТОР: Огромни попусти до 70% на шопинг до 11ти Февруари!