Највисока цена на златото во последните пет години

Цената на златото порасна за време на тргувањето во Азија, откако американската Управа за федерални резерви (FED), дозволи намалување на каматните стапки.

Цената на златото за одложена испорака забележа раст од 1.62%, односно околу 1.381,94 долари за унца, објави CNBC.

И цената на златните „фјучерси“ забележaа раст на 1.385,40 долари за унца, откако претходно вредноста на унца злато се зголеми за три отсто и чинеше 1.397,70 долари.

По вчерашната средба на Управата за федерални резерви, кога американската централна банка ги остави каматните стапки на непроменето ниво, но ја “отвори вратата” за нивното можно намалување во иднина.

Очекувајќи каматните стапки на FED,  да се намалат до 2020 година, златото во момент стана “атрактивно”, вели Роб Карнел, главен економист и шеф на испитувањето за Азиско-пацифичкиот регион во ИНГ Банка.