Убиство во Гостивар – Ноќеска со остар предмет усмртена е жена, а две лица се повредени

Седумдесет и осум годишна жена е убиена ноќеска во Гостивар, додека две други лица се тешко повредени.

Според информациите кои Gostivarpress.mk ги доби од Портпаротол на СВР Тетово, Марјан Јосифоски, околу 3.50 часот било пријавено дека во стан во зграда на ул „Илинденска“ во Гостивар има повредени лица со остар предмет. Полициски службеници веднаш пристигнале на местото и констатирале дека повредени се 78 годишната С.Т, 54 годишната С.Р и 60 годишниот Б.Р. Трите лица биле пренесени во гостиварската болница за укажување на медицинска помош, кадешто 78 годишната жена им подлегната на повредите и починала.

Двете повредени лица биле пренесени на скопските клиники.

Во врска со лучајот во 5.45 часот утрово во Гостивар било лишено од слобода 46 годишно лице, за кое постои сомневање за инволвираност.

Увид врши Јавен обвинител и екипи на полицијата.