Православните верници го слават празникот Раѓање на Пресвета Богородица

Според календарот на Македонската православна црква, денес се празнува раѓањето на Богородица, празник познат као Мала Богородица. Овој ден спаѓа меѓу 36-те големи празници во црковниот календар.

Пресвета Богородица, Марија е родена од родители Јоаким и Ана кои живееле во Назарет. И двајцата биле многу скромни, побожни и ги помагале сиромасите и болните. Долго време немале деца, а ќерката ја добиле после пет децении брак.

Култот на Пресвета Богородица зазема важно место кај македонскиот народ. Многу цркви го носат нејзиното име, а има и голем број преданија за чудотворни икони со ликот на мајката божја. Меѓу народот овој празник се слави и со различни обичаи, посебно посветени на раѓањето. Се верува дека Пресвета Богородица е заштитничка на мајките воопшто и на леунките посебно, поради што жените што раѓаат ја повикуваат да им помогне полесно да се породат. Исто така, се верува дека таа им помага и на жените што немаат деца.

Следниот ден по Мала Богородица, 22 септември црквата го празнува споменот на нејзините родители Јоаким и Ана.