Со 13,7 милиони евра, ќе се воведува електронска наплата и ќе се изградат три нови патарини

Со 13,7 милиони евра, ќе се модернизираат посотојните патарини и ќе се изградат три нови, воведувајќи електронска наплата со картички и токени.

Со проект от се предвидува надградба и модернизација на постојните наплатни станици за патарина долж Коридорот VIII oд Миладиновци до Гостивар, како и изградба на три нови наплатни станици на автопатски делници кои се во тек на изградба – две на автопатoт Миладиновци – Штип и една на автопатoт Кичево – Охрид.

Европската банка за обнова и развој со кредит од 13 милиони евра ќе го финансира подобрувањето, а 700 илјади евра ќе обезбеди Јавното претпријатие за државни патишта од својот буџет.

Исто така, се предвидува инсталација на опрема за поврзување на надградените и новите наплатни станици за патарина со оперативниот центар за патарини во Петровец. Ќе се инсталираат фотоволтаични соларни панели на сите постојни и нови наплатни станици за патарина, кои се градат долж целата автопатска мрежа во Република Северна Македонија. Во рамки на проектот предвидени се и средства за одржување и задолжителни резервни делови за постојните наплатни станици за патарина долж Коридорот VIII и три нови наплатни станици за патарина на автопатските делници.