Се судриле три возила, па настанала тепачка – во ПС Гостивар приведени 5 лица

Пет лица завршиле во полициска станица, по регистрирана сообраќајна несреќа и инцидент. Полицијата соопшти дека вчера (12 јануари) околу 18 часот и 30 минути во Полициската станица Гостивар од слобода биле лишени: две машки лица на возраст од 44 и 19 години и две женски лица на возраст од 44 и 22 години – сите од Скопје како и 52 годишник од гостиварска Лакавица, поради сомнение за нивна инволвираност во насилство, кое околу 14 часот се случило  на регионалниот пат Брана- Маврово.

„На насилството му претходела сообраќајна несреќа со учество на три патнички возила: „фолксфаген пасат“ со скопски регистарски ознаки, „мицубиши“ со гостиварски ознаки и „мицубиши пајеро“, исто така, со гостиварски ознаки. СВР известува дека се преземаат мерки за расчистување на случајот.