Министерство за екологија: Мерната станица во Гостивар имала технички проблем

Екстремно високите вредности на загадување на воздухот, коишто се покажуваа во Гостивар на 22 јануари во периодот од 2 часот по полноќ до 11 часот, биле резултат на технички проблем на мерната станица, изјавија за Gostivarpress.mk од Министерството за животна средина и просторно планирање. Од таму нагласија дека техничкиот проблем бил целосно надминат вчера во 12 часот од кога станицата го мери реалното ниво на аерозагадување.

Бројката од максимални 983 микрограми на метар кубен ПМ10 честички, што се покажуваше вчера создаде возмениреност кај граѓаните и ги вжешти социјалните мрежи.

Откако се стабилизира мерењето, повисоки вредности на загадување се бележат во ноќните часови, а се движат од 200 до 350 мг/м3 штетни честички.