Граѓаните да се воздржат од патување видендов – препорака на Управувачкиот комитет за кризи

Повеќе подготвителни превентивни мерки донесе синоќа Управувачкиот комитет за кризи во врска со најавата од Управата за хидрометеоролошки работи за врнежи од снег и многу ниски температури на територијата на Македонија во наредните денови.

Тоа, како што е сооштено по седницата може создаде определени ризици при снабдувањето со електрична енергија, движењето односно сообраќајот, ризици по здравјето и водоснабдувањето. Заклучоците и препораките од седницата се однесуваат на надлежните институции кои треба да бидат со зголемена оперативна подготвеност во случај на нарушување на системот за снабдување со електрична енергија и во сообраќајот. Управувачкиот комитет донел заклучоци со кои се наложува во текот на денешниот ден сите општини во Македонија да формираат кризни штабови.

– Би сакале да апелираме сите граѓани кои немаат особена потреба за патување во текот на викендот да не патуваат, оние транспортери кои може да ги одложат своите транспортни рути во текот на викендот да ги одложат доколку тоа не предизвикува економска штета за нив, а оние граѓани и транспортери кои ќе се решат да патуваат треба да поседуваат зимска опрема за сообраќај и за чистење на патиштата, пакети за прва помош и определено количество вода и храна – изјави Георгиев