Викенд сообраќајна акција во Гостивар – пијани зад волан, возачи без дозвола…

Изминатиот викенд (7/8 март) на подрачјето на Секторот за внатрешни работи Тетово, што го опфаќа и Гостивар, полицијата спроведе акциска контрола за алкохол.

„Во контролата, откриени биле вкупно единаесет возачи кои ги управувале возилата под дејство на алкохол (Тетово-8 и Гостивар-3). Сите се исклучени од сообраќај и времено им се одземени возачките дозволи, а ќе им бидат изготвени и соодветни поднесоци.“, информира СВР.

Во акцијата викендов, исто така, биле откриени и законски санкционирани и 20 други видови прекршоци, по десет на двете подрачја, Тетово и Гостивар. Најмногу имало управување без возачка дозвола и возачи-почетници кои не се придржувале на законските ограничувања.