Маска – Не, не за лице, туку заборавено пиратско село

Тенерифе е шпански остров , најголемиот од седумте Канарски острови во Атланскиот окен близу брегот на Африка. Во планините, на 2000 метри надморска висина, во северозападниот дел на Тенерифе се наоѓа малото, живописно село Маска.

Селото е многу мало и дом е на околу 150 жители, но до ден денес го има задржано автентичниот изглед. На сртот, под карпите, има неколку мали куќи со традиционална рурална канариска архитектура и стара црква.

Селото Маска било безмалку непознато до 60 – 70-те години од минатиот век, до него се стигнувало по планински патеки сѐ додека не се изградил асфалтен пат во 1980-та година.

Помеѓу народот Маска е познато и како пиратско село, бидејќи се верува дека тука се криеле пиратите во 18-от век. Секој ден, стотици туристи доаѓаат овде за да ги видат едни од најубавите предели на тенерифе. Изградени се повеќе платформи од кои може да се ужива во прекрасниот поглед на океанот. Мештаните, Маска ја нарекуваат заборавеното село.