Корона: Во регионот на Гостивар 7 оздравени, нови позитивни нема

Во изминатите 24 часа направени се 279 тестирања, а потврден е 21 нов случај на КОВИД-19, информираше Министерството за здравство. По региони новозаболените се од:
– Скопје 7
– Куманово 6
– Прилеп 4
– Тетово 1
– Пехчево 1
– Делчево 1
– Струга 1

На гостиварското подрачје нема нов потврден случај, а Институтот за јавно здравје официјално бележи вкупно 7 оздравени пациенти, од кои 3 евидентирани изминатото деноноќие.

Вкупната бројка на ковид дијагностицирани во нашата земја изнесува 1.442, бројката на оздравени пациенти е 627, на починати е 73, а во моментов бројот на активни случаи во земјата изнесува 742, соопшти МЗ.

Изминатото деноноќие има два смртни случаи. На Клиниката за инфективни болести и фебрилни состојби почина пациент од Скопје на 50 години, хоспитализиран на 6 април, а пациентот 17 дена бил на механичка вентилација. На клиниката за онкологија почина пациент на 51 година од Прилеп чиј позитивен резултат на КОВИД-19 пристигнал вчера.