Функционерите кои службено ќе патуваат во странство нема да одат во државен карантин

За разлика од обичните граѓани, за кои по враќање од странска земја, државниот карантин од 14 дена е задолжителна мерка, ова правило нема да важи за функционерите коишто ќе одат на службено патување во странство.

„Владата заклучи да се дозволи службено патување на избрани и именувани лица, во странски држави, со почитување на препораките и протоколите од Комисијата за заразни болести при Министерството за здравство за одржување на потребното растојание и носење на лична заштитна опрема, заради координација и други работни активности поврзани со мерки за COVID-19 како и поради други итни причини кои не трпат одлагање, без спроведување на овие лица во државен карантин по нивното враќање во Република Северна Македонија.“, изјави вчера техничкиот премиер Оливер Спасовски.