Освежителен напиток кој помага за регулирање на килограмите

Ако во периодот на карантин ви се наталожија неколку килограми повеќе, овој рецепт ќе ви биде добредојден. Се работи за супер освежителен напиток што помага во согорување на масните наслаги. Направен е од природни здрави состојки, па може да се пие секојдневно. Секако, овој напиток не е чудотворен и е само една алка во ланецот што ви е неопходен за да ослабнете, но неспорно е дека ќе ви помогне во тоа. Ваш избор треба да биде и поздрава храна, овошје, зеленчук, без прејадување, зголемена физичка активност.

состојки:

1 краставица средна големина (исечена на тркалца)

1 лажичка изрендан ѓумбир

1 лимон (исечен на тркалца)

2 лажици свежо нане

половина литар вода

подготовка:

Во прикладен сад кој има и капак, измешајте ги убаво сите состојки и на крај прелијте ги со водата. Оставете да отстои преку вечер и наутро веќе може да го конзумирате напитокот.