Засилени контроли за пушење ги уплашија угостителите во Гостивар

Законот за забрана за пушење во угостителските објекти во Гостивар не се почитува. Во најголемиот дел од кафулињата, пицериите, рестораните и други локали се пуши, не само на преградените терасите, туку и во затворениот простор. Ретки се оние кои на своите гости им ги забрануваат цигарите. Но, дали нешто ќе се промени по најавите за засилени контроли на инспекторите на терен?

Насоките за интензивирање на контролните активности се дадени со цел угостителите да почнат да се однесуваат посериозно и поодговорно во однос на почитување на законите.

Во меѓувреме, пак на интернет се појави петиција со која се бараат законски измени. Иницијаторите сметаат дека со постоечките регулативи, пушачите се дискриминирани и им е нарушено правото на слободен избор.

Законот превидува глоба од 2000 до 4500 евра за правното лице кое го прекршува законот и казна од 500 до 1000 евра за одговорното лице во правното лице.

Законот за пушење стапи на сила во октомври 2010 година. Уште на самиот старт наиде на низа реакции и спротивставени ставови, но со мали измени и корекции истиот важи до денес.