Коронавирусот се шири во регионот на Гостивар, потврдени 13 нови инфицирани

Состојбата со ширењето на коронавирусот во Гостивар станува загрижувачка, и денес има значителен број на нови случаи.

Според информациите кои Gostivarpress.mk ги доби од гостиварската епидемиолошката служба, до 14 часот денес потврдени се вкупно 13 новозаболени, од кои 12 од територијата на Општина Гостивар и еден од Општина Врапчиште. Медицинските лица велат дека не се комплетирани сите резултати од последните земени брисеви, па не се исклучува можноста бројката на позитивни да биде и поголема.

Извештајот од Министерството за здравство за сумираните податоци за ковид во земјава во изминатото деноноќие, до овој момент се‘ уште не е објавен.