Гостивар
Неодговорност на поединци во Гостивар: Наместо во изолација, шетаат на јавни места
Гостивар влезе во сериозна фаза на ширење на коронавирусот, а дел од граѓаните се уште се однесуваат неодговорно, не ги почитуваат мерките и ги ставаат во ризик и другите.
На денешниот состанок на Меѓуопштинскиот Кризен штаб во Гостивар институциите истакнаа дека има случаи кога лица со решенија за изолација, наместо да седат дома излегуваат и шетаат на јавни места.
Полицијата секојдневно врши контроли, но сепак ситуацијата повеќе зависи од совеста на граѓаните.
„На секој заболен му се прави епидемиолошка анкета и тие што биле во контакт со него се ставаат во изолација, што мора да се спроведува. Апелираме да се почитува изолацијата, тие што треба да бидат во изолација, да не излегуваат да шетаат, да не дозволиме да се шири вирусот и понатаму“, рече Валбон Лимани, шеф на кабинетот на градоначалникот на Општина Гостивар, кој го водеше денешниот состанок.
Кризниот штаб го повтори и апелот за почитување на сите други мерки и препораки, како држење дистанца, носење маски и редовна хигиена.
Во наредните денови ќе се разгледуваат условите и можностите за повторно спроведување на дезинфекција на улиците. Ова како предлог дојде од директорот на ЈКП „Комуналец“ Исак Лазами, кој рече дека дезинфекцијата е скапа постапка и таква одлука треба да се донесе заеднички со општината.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Вестипред 2 месеци
Историјат на Осми март – Празник посветен на правата на жените
-
Македонијапред 3 месеци
Најнова одлука: Од утре промената на возачките, сообраќајните и патните листови ќе бидат без надоместок
-
Гостиварпред 2 месеци
Гостиварско архиерејско намесништво: Распоред на дежурни свештеници за Задушница