Хаос во јавниот превоз во Гостивар, во еден ден казнети 7 комбисти

Засилените контролите на полицијата врз јавните превозници на гостиварското подрачје потврдуваат дека на тоа поле владее безредие.

СВР информираше дека вчера (29 октомври) во акцијата во Гостивар биле откриени 7 превозници, претежно комбиња, чии сопственици не поседувале лиценци за вршење на ваков превоз. На сопствениците на возилата изготвени им се кривични пријави по член 284а од Кривичниот законик за „вршење на јавен превоз без поседување лиценца“.

Вчера, во Тетово пак биле откриени 4 лица кои ги управувале возилата без положен возачки испит и валидна дозвола за тоа и 5 непрописно паркирани возила. Откриените прекршоци се заокружени со изготвување на соодветни поднесоци.

Контролите во Тетово и во Гостивар ќе продолжат и во наредниот период, вклучувајќи го и почитувањето на владината одлука за 50-процентно користење на капацитетите во возилата за јавен превоз, нагласуваат од СВР.