Денес направете си ванила пита, од вкусно повкусно

Питата со ванила направена според рецептот што ви го пренесуваме, може да ја јадете како десерт или како лесен оброк за појадок и вечера. Веруваме дека ќе ја сакаат сите во семејството.

Состојки:

12 парчиња готови кори

1 литар млеко

3 пудинга од ванила

9-10 лажици шекер

шекер во прав за посипување

Фил за премачкување

3 jaja

3 лажици шекер

200 мл. масло

200 мл. јогурт

100 гр. гриз

1 прашок за пециво

Подготовка:

Најпрво од ладно млеко вадите 18 лажици и ги мешате со пудингот во прав и шеќерот добро, да не останат грутки. Остатокот од млекото се вари, па се тргнува настрана, се додава смесата од пудингот и шекерот и се вари две минути, односно додека се згусне пудингот. Откако ќе се свари, оставете го да се олади.

Премачкување на корите:

Посебно се матат белките со шеќер, добро изматени се додаваат жолчите, па маслото и добро се меша со миксер. На крај додадете гриз, пециво, а потоа истурете го јогуртот и добро измешајте ја смесата.

Првата кора намачкајте ја со оваа смеса, покриете ја друга кора која и таа се премачкува со смесата, потоа се нанесува третата кора. На третата кора врз неа се става филот од пудинг, сметајте дека ќе имате вкупно 4 штрудли, па филот поделете го на 4 дела, по 250 гр.

Свиткајте ја кората и ставете ја во плех за печење обложен со масна хартија. Премачкајте ги штрудлите со масло и печете ги на 180 степени околу 20 минути.