Приоритет за вакцина против корона ќе добијат учителки и вработени во градинки

Синдикатот за образование и наука соопшти дека бил послушан нивниот глас по барањето до ресорните министри и Владата вработените во образованието, науката и културата да бидат приоритетни при вакцинирање против Ковид 19.

„Почнаа да се прават списоци за приоритетно и доброволно вакцинирање на вработените во градинките и училиштата кои се во категоријата на висока Ковид возраст и работа со физичко присуство.“, известија од СОНК.

Повеќе информации и детали, кога и како ќе се спроведува имунизацијата на оваа група се очекуваат од здравствените власти.