Почнува Страдалната недела за христијаните

Строг пост, молитва и покајание. Вака христијанските верници треба да ја поминат Страдалната седмица која почнува денес. Страдалната или Велика седмица ги одбележува последните денови од Христовиот живот на земјата. Секој ден во оваа Велика седмица во богослужбените книги е наречен „велик и свет“, и се одбележува со посебни и карактеристични богослужби кои се разликуваат од богослужбите во останатите денови од годината.

Сè е во спомен на последните денови од земниот живот на Спасителот Исус Христос: неговите страдања, смртта и погребението. Преку црковните богослужби на почетокот на седмицата верниците се потсетуваат на последните беседи и поуки на Исус и се присетуваат на Христовите маки. Ова е последна, седма недела од велигденскиот пост.