Интересни факти за Ватикан – најмалата држава во светот

Државата Ватикан е најмалата држава во светот, која се наоѓа во италијанската престолнина Рим. Површината на Ватикан изнесува 44 хектари. Ватикан исто така е најмалуброен по население од било која друга земја во светот, со околу 800 жители. Ватикан е седиште на папата, кој претставува поглавар на Римскокатоличката црква. При посета на оваа држава, посетителите не добиваат печат во својот пасош.

Некои интересни факти за Ватикан:

Никој не е роден во државата, но има граѓани

Во оваа држава нема раѓања бидејќи таму нема болници. Сепак, државјанството не се заснова на раѓање во оваа земја. Тоа им се доделува на оние кои престојуваат во Ватикан, поради нивната работа.

Оваа држава троши повеќе вино отколку која било друга во светот

Ватикан троши повеќе вино по глава, со рекорд според кој секој жител на Ватикан пие приближно 105 шишиња годишно. Има само еден маркет кој ги снабдува граѓаните со вино, скоро без данок.

Ватикан може да се пофали дека има свое “евро”

Во 2000 година, Италија и Ватикан потпишале договор што му овозможил на Светскиот престол да го усвои Еврото како своја официјална валута. Градот Ватикан започнал да кова свои евро – монети од 2002 година. Интересно е да се напомене дека ватиканските евра се легални и во Италија и во градот Ватикан и можат слободно да циркулираат низ целата еврозона.

Градот Ватикан ја има најдобрата пошта во светот

За поштенската услуга во Ватикан се вели дека е најдобра во светот, со голем број на писма испратени од нејзиниот поштенски код секоја година отколку на било кое друго место во светот. Се верува дека повеќето римјани наместо да ја користат нивната национална пошта, тие секоја недела ја посетуваат оваа пошта за да ги пратат своите писма.

Најкратката железница во светот

Со железничка мрежа од само две шини од 300 метри, Ватикан ја има најкратката железничка мрежа во светот. Има само една железничка станица.

Има повеќе туристи од било која друга држава

Ако се земе предвид процентот на туристи, градот Ватикан е пред сите во светот. Бидејќи оваа држава е од големо религиозно, политичко, историско и културно значење, таа прима повеќе туристи отколку остатокот од светот. Само музејот во Ватикан годишно прима околу пет и пол милиони посетители.