Од најмалите до најголемитe – факти кои докажуваат колку се фасцинантни животните

Секој ден доаѓаме до нови сознанија за животните и светот околу нас. Погледнете во светот на животните со нас и дознајте факти што ќе ве изненадат, расположат, па дури и ќе ве насмеат.

• Ако вашата мачка некогаш ве погледнала во очи и бавно трепнала како да спие, тоа може да значи дека ви испратила бакнеж и дека искрено ве сака.
• Кучињата живееле со луѓе повеќе од 14.000 години, а мачките 7.000 години.
• Најголемиот вид мачка во светот е тигарот. Може да биде долг до 3,3 метри и да има тежина до 300 килограми.
• Скокот на жаба може да биде подолг од пет метри.
• Колибрите (вид птица) треперат со крилја до 70 пати во секунда и имаат 1260 отчукувања на срцето во минута.
• Мува мушичка мавта со крилјата околу 20.000 пати во минута.
• Најголемото животно во светот е синиот кит. Тежи како дури 2.667 возрасни луѓе и долг е колку кошаркарско игралиште.
• Ракунот секогаш ја користи можноста да си ја измие храната пред да ја изеде.
• Октоподите имаат дури три срца.
• За да остане чиста и средена, жирафата ги чисти ушите со јазик долг и до 135 сантиметри.