Гостиварец – студент на генерација на градежниот факултет во Скопје

Младиот Леарт Таравари од Гостивар е студент со најдобар просек во дипломата од Градежниот факултет во Скопје, годинава. Таравари го заслужи епитетот „студент на генерацијата“ со постигнатиот просек на оценки од 9,90, а дипломата му беше доделена на свеченост,  одржана завчера во Амфитеатарот на факултетот.

Надежниот градежник го очекува уште едно признание. Како најуспешен студент на својот факултет, Леарт ќе добие и „Инженерски прстен“, награда што ја доделува Инженерската институција на Македонија на најдобрите дипломци од факултетите по технички науки. Признанието ќе му го врачи претседателот на Република Македонија, Ѓорѓе Иванов на посебна манифестација која е закажана за 6-ти јуни.

Дваесет и две годишниот Таравари основно училиште има завршено во ОУ„Исмаил Ќемали“, додека средно во колеџот „Јахја Ќемал“ во Гостивар. Уште од мала возраст учествувал на многу натпревари и има забележано интернационални успеси, со освоени значајни медали и награди.