АА Гостивар: И покрај пречките од СДСМ-ДУИ, Таравари со тимот работи и се грижи за граѓаните

Огранокот на Алијанса за Албанците во Гостивар излезе со реакција на денешната прес конференција на гостиварската организација на СДСМ.

„Бродот на СДСМ кој тоне, денеска го спомнал градоначалникот на Гостивар, Арбен Таравари. Значи сè уште не се опоравиле од кошмарот што граѓаните им покажаа црвен картон во Гостивар заедно со ДУИ.

Што се однесува до локалната власт во Гостивар, само да потсетиме дека и покрај уцените, пречките на СДСМ-ДУИ, Таравари со својот тим досега го има остварено  следново:

• 40 километри асфалтирани патишта

• 80 км канализација

• 50 км водовод

• 5 нови градинки

• 3 младински центри

• Центар за аутизам (како единствен град во РСМ)

• 10 реновирани училишта

• 20 нови училишни кабинети

Ве потсетуваме дека СДСМ-ДУИ постојано го дискриминираа Гостивар, исто како што се случи со финансиските средства од ТАВ, каде во секоја општина се користеа за патна инфраструктура, училишта, канализација или слично, а за локалната власт во Гостивар не издвоија ниту еден денар. Ќе продолжиме да работиме, да се грижиме за граѓаните, а ќе работиме за да и вашите  денови на власт се ситнат. Од денеска започнува одбројувањето на вашиот криминал и корупција.“, се вели во реакцијата.