Ајфеловата кула „порасна“ за 6 метри

Ајфеловата кула „порасна“ 6 метри откако нова дигитална радио антена била прикачена на врвот на парискиот споменик.

Кулата е изградена од архитектот Густав Ајфел за Универзалната изложба во 1889 година чија функција била како радио предавател, првично за воени цели. Ајфеловата кула сега е 330 метри висока откако антената DAB+ (дигитално аудио) била пренесена на нејзиниот врв со хеликоптер. Целиот настан траел само 15 минути, а бил проследен и на телевизија како и од многу минувачи.

За време на нејзината изградба, Ајфеловата кула го надмина споменикот Вашингтон и стана највисоката вештачка градба во светот, титула што ја држеше четири децении додека зградата Крајслер во Њујорк не стигна на врвот во 1929 година.

Кулата од ковано железо е меѓу најпосетуваните туристички места во светот, според TripAdvisor.