Гостивар
Акција за садење на дрвја во Гостивар – се приклучија училиштата, општината…
Во Гостивар од вчера започна колективна акција за засадување на дрвја, организирана на граѓанска иницијатива. Во активноста се приклучија учениците и наставниците, кои ги раззеленуваа училишните дворови, додека локалната самоуправа создаде улица на липите со засадување на садници од овој вид на дрво, долж ул. „Браќа Ѓиноски“.
Целта на акцијата е да се зголеми свеста кај граѓаните, да делуваат на полето на екологијата и да придонесат за почиста животна околина, намалување на загадувањето и ефектите од климатските промени.
„Многу сме среќни што во акцијата се вклучија училиштата, а еве денес и општината донираше 12 липи. Ме радува што на овој начин придонесуваме и се спротивставуваме на бетонот, бидејќи насекаде го има, и ова може да послужи како поттик да се преземат слични активности и по другите тротоари“, изјави Валентина Штерјоска, координатор на акцијата во Гостивар.
Советничката во Советот на Општина Гостивар, Њомза Шаќири, ја поздрави акцијата и рече дека локалната самоуправа секогаш ги поддржува граѓанските еколошки активности.
„Не само тоа, туку општината и самата редовно спроведува акции за зголемување на зелените површини. Моментално дека се гради нов парк во Балиндол и има еколошки активности во Равен. Претходно акции се реализираа во Вруток, Лакавица, Форино, Чајле итн. Како биолог, сакам да кажам дека садењето на дрвја е многу важно, затоа што дрвото е прочитувач на воздухот, ги усмерува ветровите, има улога во циклусот на водата во природата и многу други бенефиции за човекот“, рече Шаќири.
Акцијата за садење на дрвја на гостиварскот подрачје, ќе продолжи и во наредните денови, а се одвива под мотото „Засади дрво-не биди трупец“.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот
-
Вестипред 2 месеци
Историјат на Осми март – Празник посветен на правата на жените