Ако сте родени на 29 февруари, науката вели дека сте 1 на 5,5 милиони луѓе во светот

Феноменот на престапна година и 29 февруари е проследен со бројни народни верувања кои со децении се востановени кај нас, но и во многу други култури во светот. Голем број луѓе овој датум, кој се случува секоја четврта година, го сметаат за мистичен и особено моќен, а оние родените на 29 февруари – различен од сите други и надарени со посебна среќа и интуиција.

Веројатноста некој да се роди на 29 февруари е многу мала

Колку луѓе знаете кои се родени на 29 февруари? Можеби една личност (ако се напрегате и се обидете да се сетите), но најверојатно и ниту една. Ако некогаш сте се запрашале зошто е тоа така, одговорот е многу логичен – затоа што веројатноста некој да се роди на тој ден е 1/1461. Доколку се направи пресметка на целото население во Светот, т.е 8 милијарди жители, ќе дојдеме до податок дека некој кој што е роден на 29ти февруари е еден на 5,5 милиони луѓе од целиот свет. Сепак, ова е само груба проценка и може да варира врз основа на специфичните демографија и правилата за престапна година.

Родените на 29 февруари имаат шесто сетило за натприродни појави

Нашите соседи односно српскиот народ верува дека луѓето родени на 29 февруари се надарени со исклучително силна интуиција и шесто сетило за натприродни појави. Се верува дека тие се и неверојатно способни и неверојатно креативни, со уникатни таленти вткаени во нивното битие. Исто така, се верува дека среќата секогаш ги следи во животот и дека и од сосема непредвидени ситуации секогаш се „извлекуваат“ без никакви последици. Како некој одозгора да ги гледа и чува во секое време, знаејќи колку се ретки и посебни.

Кога луѓето родени на 29 февруари го слават својот роденден?

Луѓето родени на 29 февруари можат да го прослават роденденот на тој ден само еднаш на секои четири години. Но, што се случува со преостанатите три? Секоја обична година роденденот го слават или претходниот ден, односно 28 февруари или следниот ден, 1 март. Во повеќето земји оваа одлука е препуштена на славениците. Сепак, постојат исклучоци. На пример, во цела Кина (освен Хонг Конг), како и во Нов Зеланд, ова прашање е законски регулирано, па родените на 29 февруари го слават роденденот на 28 во месецот кога е вообичаена година. Во Хонг Конг и Англија законот е поинаков – за да го прослават својот роденден, родените на 29 февруари мора да почекаат до 1 март.